ទស្សនិកជនភាគច្រើន ច្បាស់ជាស្គាល់ជាក់ជាមិនខាន ប្អូនស្រីម្នាក់ឈ្មោះ ឃុយ ម៉ីហៀង ដែលជា អតីតបេក្ខជន ធ្លាប់បានចូលប្រឡង ក្នុងកម្មវិធី ប្រឡងចម្រៀង កុមារ លំដាប់ថ្នាក់ពិភពលោក The Voice Kids Cambodia រដូវកាលទី១ កាលពីខែកក្កដា ឆ្នាំ ២០១៧។ កាលនោះ ម៉ីហៀង បានលើកយកបទ “ចាំនៅតែចាំ” មកធ្វើការប្រកួត។
បើទោះជា អតីតបេក្ខនារីរូបនេះ មិនទទួលបានពានរង្វាន់ក៏ដោយ តែប្អូនស្រី ពិតជាបានធ្វើឲ្យមហាជនទូទៅ ដក់ជាប់អារម្មណ៍ និងពេញចិត្តជាខ្លាំង នូវទឹកដមសំនៀង រហូតមកទល់ពេលនេះ ។
ខានឃើញមុខ តែមួយរយៈសោះ ស្រាប់តែថ្មីៗនេះ គេឃើញ ម៉ីហៀង ប្រែប្រួល រូបរាង សម្បុរ ស្អាតប្លែកណាស់ មើលសឹងមិនស្គាល់ ថែមទំាងបកស្រាយចម្រៀងមួយបទ ក្រោមចំណងជើងថា “មាតាដៃមួយរយ” ជាសំនៀងដើម អ្នកនាង សុគន្ធ និសា ពិតជាពីរោះរណ្តំខ្លាំងណាស់ ស្តាប់ច្រើនដង ក៏មិនធុញដែរ។
អត់ទាន់អស់ទេ អ្នកគាំទ្រ អតីតបេក្ខជននេះ ក៏បាននិយាយត្រង់ៗដែរថា ៖ ពីរោះណាស់ ម៉ីហៀង, ស្រលាញ់ ម៉ីហៀង ណាស់, ម៉ីហៀង ច្រៀងពីរោះណាស់អូន, ហើយពីរោះម្លឹងៗ លោកអើយ ធំលឿនណាស់ ពីរនាក់ហ្នឹង ស្អាតៗ, ស្ដាប់ទៅដេកលក់ស្រួលណាស់ ពីរោះ, សែនពីរោះណាស់បងអើយ, ពីរោះរណ្ដំ បំពេរចិត្តអ្នកស្ដាប់។
តោះដើម្បីជ្រាប កាន់តែច្បាស់បន្ថែមទៀត សូមស្តាប់ ម៉ីហៀង បកស្រាយបទ “មាតាដៃមួយរយ” ទំាងអស់គ្នា ថាពីរោះខ្លាំងប៉ុណ្ណានោះ ៖
