តារាចម្រៀងស្រីវ័យក្មេងដែលមហាជនភាគច្រើនស្គាល់ពីសមត្ថភាពច្រៀងរបស់នាងតាមរយៈកម្មវិធីប្រឡងចម្រៀង Cambodian Idol រដូវកាលទី ៣ លីន សោម៉ា នៅតែធ្វើឱ្យទស្សនិកជនពេញចិត្តចំពោះទឹកដមសំឡេងដ៏ផ្អែមពីរោះក្រអួនក្រអៅដក់ជាប់អារម្មណ៍អ្នកស្ដាប់មិនជិនណាយ។
គិតមកដល់ពេលនេះមានរយៈពេលជាង ៤ ឆ្នាំហើយដែលតារាចម្រៀងមាឌតូចល្អិត លីន សោម៉ា បានបង្ហាញខ្លួននៅចំពោះមុខគណៈកម្មការដើម្បីចូលរួមប្រឡងក្នុងកម្មវិធីលំដាប់ពិភពលោកខាងលើ តែយ៉ាងណាគិតមកដល់ឆ្នាំ ២០២២ នេះ សោម៉ា ហាក់នៅតែរក្សារូបរាងតូចស្ដើងរបស់នាងមិនប្រែប្រួលដដែល។
តួយ៉ាងថ្មីៗនេះ លីន សោម៉ា បានពាក់អាវចេញចង្កេះ រំលេចរន្ធផ្ចិត ទម្លាយរូបថតនៅសមុទ្រជាច្រើនសន្លឹកបង្ហោះលើគណនីហ្វេសប៊ុកផ្ទាល់ខ្លួន ដែលបង្ហាញពីដងខ្លួន និង ចង្កេះមួយក្ដាប់តូចរបស់នាងមិនខុសកាលពី ៤ ឆ្នាំមុនប៉ុន្មានឡើយ ប៉ុន្ដែអ្វីដែលប្រែប្រួល មើលទៅ សោម៉ា ពេលនេះកាន់តែស្រស់ស្អាតជាងមុន ចំណែកសាច់ឈាមទៀតសោត ក៏ភ្លឺរលោងជាងមុនដែរ៕ ប្រភព៖ ប្រជាប្រិយ
