ពិតណាស់ ស្របពេលមហាជនអ្នកលេងបណ្ដាញសង្គមកំពុងផ្ទុះចាប់អារម្មណ៍ និង វែកញែកខ្លាំងចំពោះរឿងរ៉ាវស្នេហារបស់តារាចម្រៀងប្រុស នាយ ចឺម ស្រាប់តែថ្មីៗនេះ លោកកាន់តែបង្កើតការចាប់អារម្មណ៍ខ្លាំងទៀតដល់អ្នកគាំទ្រ ខណៈបានឃើញលើបណ្ដាញសង្គមហ្វេសប៊ុករបស់លោកបានបង្ហោះរូបភាពមួយសន្លឹកជាមួយនឹងកញ្ញា ប៉ុន សារ៉ាវត្តី Miss Planet Cambodia 2020 ក្នុងឈុតកូនកំលោះក្រមុំបែបអឺរ៉ុបយ៉ាងភ្ញាក់ផ្អើល។
ក្នុងនោះ តារាចម្រៀងប្រុសសម្បូរស្នេហ៍រូបនេះថែមទាំងបានភ្ជាប់ជាមួយសារប្រាប់ថានឹងមានដំណឹងល្អឆាប់ៗទៀតផង។ សារនោះ នាយចឺម បានរៀបរាប់ថា ៖ «ដំណឹងល្អឆាប់ៗនេះហើយបាទ ត្រៀមតែលុយចងដៃទៅបងប្អូនទាំងអស់គ្នា»។
ក្រោយពីឃើញបែបនេះ មហាជនអ្នកគាំទ្រកំពុងបង្ហាញការភ្ញាក់ផ្អើល និង ធ្វើការបញ្ចេញមតិវែកញែកជុំវិញរឿងនេះពេញបណ្ដាញសង្គមហ្វេសប៊ុកផងដែរ៕
