បើទោះជា លោក សុវណ្ណ រិទ្ធី និង អ្នកនាង មាស សុជាតា ដែលធ្លាប់ជាគូស្នេហ៍ដ៏ផ្អែមល្ហែមកន្លងមក លែងជាប្ដីប្រពន្ធនឹងគ្នាទៀត ក៏ពិតមែន តែពួកគេទាំង២នាក់ នៅតែដើរតួនាទីជាឪពុកម្ដាយដ៏ល្អរបស់កូនៗដដែល។
ជាក់ស្ដែង នៅថ្ងៃទី២៥ ខែធ្នូ ឆ្នាំ២០២២ ជាថ្ងៃបុណ្យ Christmasនោះ អ្នកសារព័ត៌មានដ៏ល្បីរូបនេះ បានទិញកាដូសម្រាប់កូនៗរបស់លោក តែលោកមិនបានទៅដោយផ្ទាល់នោះទេ។
បង្ហោះភ្ជាប់ជាមួយរូបថតកូនៗរបស់ខ្លួន, លោក បានរៀបរាប់ថា « ម្ចាស់ជីវិតទាំងទ្វេ
ប៉ាៗឈឺ ទើបមិនអាចយកកាដូទៅអោយកូនដោយផ្ទាល់បាន តែប៉ាបានរៀបចំកាដូអោយពូឈុន យកទៅឲ្យកូនៗរួចហើយ ប៉ាសុំទោស »។
ទោះលោកបញ្ជាក់បែបនេះពិតមែន តែនៅថ្ងៃដដែលនោះ អ្នកនាង មាស សុជាតា បានបង្ហោះរូបថតកូនៗ ហើយពោលពាក្យថា «ខ្ញុំមិនបានបិទសិទ្ធិថាមិនអោយអ្នកមកជួបកូនទេ តែក្រែងលោកស្គាល់ផ្ទះទេតើ លោកមិនមកខ្លួនឯង កុំបន្ទោសថា ខ្ញុំនិងគ្រួសារមិនអោយជួប ទឹកចិត្ត ដែលទិញរបស់របរអោយកូនខ្ញុំទទួល ព្រោះគិតថា លោកក៏ជាឪពុកក្មេងដែរ កូនរបស់លោកៗ ចង់មកជួបពេលណាក៏បាន គ្មានអ្នកណាហាមឡើយ តែលោកទេ ដែលមិនមកខ្លួនឯង ចឹងកុំថាខ្ញុំមិនអោយជួបហើយបញ្ជាក់ម្តងទៀត បើលោកមកក្នុងបំណងល្អ ខ្ញុំមិនហាមឡើយ ព្រោះមនុស្សអស់ធំហើយ ទម្លាក់ចុះរៀងខ្លួនទៅ ខ្ញុំមិនចង់ឈ្នះចាញ់ជាមួយលោកតាំងពីដើមហើយ ចាញ់ ឈ្នះសំខាន់ណាស់មែនទេ?? ហេតុអ្វីមិនធ្វើគ្រប់យ៉ាងគឺដើម្បីកូនៗ ??Happy merry Christmas អ៊ំពូមីង យាយតា អូនឥលូវធំហើយ»។
តាមរយៈសាររបស់លោក សុវណ្ណ រិទ្ធី, ពួកគេ ហាក់គ្មានបញ្ហាអ្វីជាមួយគ្នានោះទេ។ តែតាមសំណេររបស់អតីតភរិយា ឃើញថា ពួកគេ ហាក់មានបញ្ហារកាំរកូសរឿងឲ្យជួប ឬមិនឲ្យជួបកូននេះ។ ទោះជាបែបណាក្ដី ទាំងនេះ បង្ហាញឲ្យឃើញថា ពួកគេ ជាឪពុកម្ដាយ ដ៏មានទំនួលខុសត្រូវ និងស្រឡាញ់កូនៗដូចគ្នា៕
