កាលពីម៉ោង ៥ កន្លះព្រឹក ថ្ងៃទី ០៩ ខែមករា ឆ្នាំ ២០២៦ នេះ អង្គភាពនៃប៉ុស្តិ៍នគរបាលស្រុកបាងកែវ បានទទួលរបាយការណ៍ពីវិស្វករត្រួតពិនិត្យទាក់ទិននឹងបំណាក់ដីនៅចំណុចការដ្ឋានសំណង់មួយកន្លែង លើផ្លូវ Theparat (Bangna-Trat) ទិសដៅចេញពីគីឡូម៉ែត្រលេខ ៦+៨០០ នៅលើផ្លូវស្របគ្នា។
តាមការចុះពិនិត្យបានរកឃើញថា នៅពីក្រោមផ្លូវមានក្រហូងមួយដែលអាចនាំឱ្យមានហានិភ័យនៃការបាក់ស្រុតបន្ថែមទៀត ហើយបើសិនជាមានរថយន្តធុនធ្ងន់បើកឆ្លងកាត់ គឺអាចបង្កគ្រោះថ្នាក់បាន។ ដូច្នេះហើយ គឺចាំបាច់ត្រូវបិទផ្លូវចំនួន ២ គន្លងនៅខាងឆ្វេង ដើម្បីធានាសុវត្ថិភាព ដោយទុកតែមួយគន្លងបានហើយសម្រាប់ធ្វើដំណើរ។ គួរឱ្យដឹងផងដែរថា សម្រាប់ការជួសជុលផ្លូវនេះជាបឋម គឺរំពឹងថានឹងប្រើពេលប្រហែល ៨ ម៉ោង។
អាជ្ញាធរបានចេញសេចក្តីជូនដំណឹងជាសាធារណៈតាមរយៈហ្វេសប៊ុកផេក Sor Wor Por 91 (FM 91) និង បណ្តាញសង្គមផ្សេងទៀត ដោយណែនាំអ្នកបើកបរយានយន្តចៀសផ្លូវនេះ ដោយចូលតាមផ្លូវជាតិលេខ ៣ និង ចេញនៅគីឡូម៉ែត្រលេខ ៧ វិញក្នុងអំឡុងពេលនេះ ឬក៏ប្រើប្រាស់ផ្លូវល្បឿនលឿន Bangna-Trat ជាផ្លូវជំនួសវិញ។
ជាមួយគ្នានេះដែរ ខាងអាជ្ញាធរកំពុងពន្លឿនការសម្របសម្រួលជាមួយស្ថាប័នពាក់ព័ន្ធ ដើម្បីដោះស្រាយបញ្ហា និង បានដាក់ពង្រាយបុគ្គលិកឱ្យសម្រួលចរាចរណ៍ ដើម្បីធានាសុវត្ថិភាពអ្នកធ្វើដំណើរ៕
ប្រភព៖ Khaosod English
