ថៃ៖ កាលពីថ្ងៃទី ២៦ ខែកញ្ញាកន្លងទៅនេះ យោងតាមសារព័ត៌មានក្នុងស្រុកថៃ បានឲ្យដឹងថា ខាងមន្ត្រីនាយកដ្ឋានកែប្រែបាននាំខ្លួន តារាស្រី Pinky Savika ជាមួយម្ដាយ បងប្រុស រួមទាំងលោក Apirak ជាមួយនឹងមនុស្ស ១៩ នាក់ទៀត ពីព.ន្ធ.នា.គារ.ទៅកាន់តុលាការព្រហ្មទណ្ឌ ដើម្បីសាកល្បងសក្ខីកម្ម និងពិនិត្យមើលភស្តុតាងក្នុងសំណុំរឿង Forex3D ដែលមានតម្លៃខូចខាត ជិត ២,៥ ពាន់លានបាត។
អ្វីដែលគួរឲ្យចាប់អារម្មណ៍នោះគឺ ខាងអ្នកយកព័ត៌មានបានឃើញ តារាស្រី Pinky ស្លៀកសម្លៀកបំពាក់ ឈុតអាវកមូល សំពត់ពណ៌ត្នោត សក់ខ្លី ដែលបានដើរតាមផ្លូវ ស្វាគមន៍អ្នកសារព័ត៌មានដោយលើកដៃ ឡើងជាសញ្ញាថាយល់ព្រម មុននឹងគ្រវីដៃស្វាគមន៍ ដោយទឹកមុខភ្លឺថ្លា ទៀតផង។
មិនត្រឹមតែប៉ុណ្ណោះ តាមរយៈនេះ ក៏មានសាច់ញាតិ និងមិត្តភ័ក្តិ បានមកជុំគ្នា លើកទឹកចិត្តពេញច្រករបៀងទាំងខាងក្នុង និងមុខបន្ទប់សវនាការ រហូតដល់ មានមន្ត្រីត្រូវចេញមកគ្រប់គ្រងស្ថានការណ៍ ដើម្បីកុំឱ្យមានភាពចលាចល ឬរំខានដល់ការជំនុំជម្រះក្នុងករណីផ្សេងទៀត ផងដែរ៕
