នៅព្រឹកថ្ងៃទី ២៥ ខែមីនា ឆ្នាំ ២០២៣ នេះ មហាជនអ្នកលេងបណ្ដាញសង្គម ជាពិសេសអ្នកតាមដានគាំទ្ររបស់កញ្ញា កក្កដា សោភ័ណ្ឌ កំពុងផ្ទុះចាប់អារម្មណ៍ភ្ញាក់ផ្អើលខ្លាំង និង ចូលរួមអបអរសាទរដល់ Top 8 MQC 2023 រូបនេះ ក្រោយពីទទួលដំណឹងថាកញ្ញា និង គូស្នេហ៍រូបសង្ហាឈ្មោះ លីមីង ដែលជាអ្នកលក់អនឡាញល្បីម្នាក់ បានដឹកដៃគ្នារៀបចំកម្មវិធីមង្គលការនៅថ្ងៃនេះហើយ។
បើតាមរយៈបណ្ដាញសង្គមហ្វេសប៊ុករបស់តារាកំប្លែងស្រីអ្នកនាង ខ្ញុង បានបង្ហោះរូបភាពទិដ្ឋភាពមង្គលការ និង ត្រៀមចូលរួមពិធីកាត់សក់របស់ កក្កដា សោភ័ណ្ឌ និង គូស្នេហ៍ ដោយរៀបរាប់ថា ៖ «មកកាត់សក់ អរគុណប្អូន លីមីង កក្កដា សោភ័ណ្ឌ»។
ក្រឡេកមើលបណ្ដាញសង្គមហ្វេសប៊ុករបស់កញ្ញា កក្កដា សោភ័ណ្ឌ វិញ ក៏បានបង្ហោះកាលពីល្ងាចម្សិលមិញ បង្ហាញពីទិដ្ឋភាពនៃថ្ងៃសូត្រមន្តចូលរោងការរបស់នាងដែរ ដោយភ្ជាប់ជាមួយសារថា ៖ «ពេលសូត្រមន្តថ្ងៃចូលរោង 24.3.2023»។
ក្រោយទទួលដំណឹងថាកញ្ញា កក្កដា សោភ័ណ្ឌ និង អ្នកលក់អនឡាញ លីមីង បានចូលរោងការនេះដែរ មហាជនអ្នកគាំទ្រ ក៏ដូចជាសិល្បៈមួយចំនួនបានចូលរួមបង្ហាញការអបអរចំពោះថ្ងៃពិសេសរបស់អ្នកទាំងពីរបន្តបន្ទាប់ផងដែរ៕ អត្ថបទ៖ ប្រជាប្រិយ
