ចាប់តាំងពីថ្ងៃទី ២៧ ខែមិថុនា ឆ្នាំ ២០២៣ កន្លងទៅ ដែលជាថ្ងៃរបស់កំពូលតារាចម្រៀងរ៉េប វណ្ណដា ជាមួយនឹងស្រីស្អាត Lauryn បានបង្ហាញទំនាក់ទំនងស្នេហាជាផ្លូវការមក មហាជនអ្នកគាំទ្រជាច្រើនសង្កេតឃើញអ្នកទាំងពីរតែងបង្ហាញភាពផ្អែមល្ហែមជារឿយៗ។
ជាមួយគ្នានោះ អ្នកគាំទ្រប្រាកដជាបានធ្លាប់បានដឹងរួចមកហើយ ក្រៅពីសម្រស់ដ៏ទាក់ទាញរបស់គូស្នេហ៍របស់ វណ្ណដា ស្រីស្អាត Lauryn ក៏ចំណាប់ខាងចង្រ្កាន្តជើងឆ្នាំង ប្រសប់ខាងធ្វើម្ហូបអាហារច្រើនមុខផងដែរ។
ដោយឡែកថ្មីៗនេះ មហាជនអ្នកគាំទ្រក៏មានការរំភើបចិត្តខ្លាំងណាស់ដែរ ក្រោយពីកំពូលតារាចម្រៀងរ៉េប វណ្ណដា បានបង្ហោះសារនៅលើ Story IG និង ហ្វេសប៊ុករបស់លោកថាមួយរយៈពេលនេះ គឺលោកមិនសូវបង្ហាញសកម្មភាពលើបណ្តាញសង្គមទេ ព្រោះលោកកំពុងរវល់រៀបចំ Album ថ្មី។
ស្របពេល លោក វណ្ណដា កំពុងសម្រុក និង ហត់នឿយលើការងារ ងាកទៅកាន់សង្សារបណ្តូលចិត្តរបស់លោក គឺស្រីស្អាត Lauryn ឯនោះវិញ ក៏ហាក់មិនឃ្លាតឆ្ងាយពីមិត្តប្រុសដែរ បើទោះជានាងមមាញឹកនឹងការថតនានាក្តី។ ក្នុងនោះ គេបានឃើញកញ្ញា Lauryn បង្ហោះរូបភាពលើ Story IG បានចម្អិនអាហារឆ្ងាញ់ៗប៉ូវកម្លាំងមិត្តប្រុសថែមទៀតផង៕
ប្រភព៖ ប្រជាប្រិយ
